瓊天 (已結業)

平時做完運動就梗係要食返多啲雞，同埋食返多啲養生野補下啦😌最近去咗銅鑼灣新開嘅瓊天，主打海南雞同埋燉湯🐔佢而家做緊一人套餐優惠價，只係需要$99，就有個飯同足料燉湯！今次我哋試咗招牌脫骨海南雞飯同埋咖喱牛腩飯，再配上花膠螺頭桂圓湯同花旗參鮑魚紅棗燉唐排👀佢海南雞做得好出色！雞味濃郁同埋真係每日新鮮到港，加埋佢啲薑油同油飯真係好正🥹然後佢個咖喱牛腩飯都唔錯！🥘入邊有牛筋炆得勁林！同埋啲咖喱攞嚟撈飯真係一流😋另外湯方面，真係飲得出係真材實料！每一碗都用牛油紙包住左，證明真係每碗燉出嚟而唔係燉完一大煲倒落去！而且真係有原隻鮑魚同花膠😋好足料！之後我地仲叫左一人雞煲-川辣鮑魚雞煲$88🌶佢唔算辣，但撈埋啲雞幾好味😋同埋分量都多，仲有2隻鮑魚🥘小食方面，我地叫左墨魚春卷同花雕醉鴨舌。前者係即叫即整，係未食過既味！我諗下次再去我都會再叫佢😌 鴨舌分量都多！比我一次過食曬😂最後野飲我地叫左紅柚子蘆薈梳打同港式香滑奶茶紅豆冰🧋佢啲野飲唔算好甜，岩曬我地！個人覺得奶茶紅豆冰幾新奇唔錯😬