三公台灣料理 (已結業)

行街去到旺角附近，見到呢間台灣料理幾吸引，就第一時間去試吓！！🟡蟹肉魚籽滷肉飯賣相好岩打卡，除咗蟹肉同魚籽份量夠晒多，仲好新鮮爽口，配埋濃濃滷肉一齊食，真係幾豐富！另外，佢哋嘅糖心蛋都好吸引👍🏻👍🏻👍🏻👍🏻👍🏻🔵蚵仔滑蛋滷肉拌麵蚵仔同滑蛋呢個配搭夠晒多蛋白質，而且味道亦都唔錯，蚵仔超大粒😍🟢鹽酥雞鹽酥雞即叫即炸，熱辣辣即刻食夠晒滋味！🫶🏻🟠椒麻拼盤呢個拼盤有齊金錢肚，牛舌同大腸，充滿椒麻香氣，非常之惹味，金錢肚亦都好爽口，醃得好入味！😋🟣百香果白玉愛玉最後呢個甜品亦都冇令我失望，百香果酸酸甜甜，同愛玉一齊食夠晒refresh！中午套餐仲可以加錢飲埋台式飲品，我就揀咗檸檬阿里山愛玉同檸檬濃乳愛玉菓子，兩杯都酸酸哋又唔甜，好好飲！