Running 燒 (已結業)

之前已經試過幾次，覺得水準都keep到，所以今次屋企人生日又嚟咗依度慶祝😋我哋專登食五點半時段，因為七點二十分前離座可享有七折。依度放題選擇真係好多，算係我食過韓式放題之中數一數二。除咗燒烤，小食都有，炸雞辛辣麵等等😙今次因為我哋人多，所以試咗好多嘢食，當中最鍾意係美國牛頸脊， encore咗好多次，牛肉juicy又重牛味，厚度啱啱好，一致好評。另外海鮮推薦大家一定要試扇貝同鯖魚，鯖魚個調味唔錯，無骨啖啖肉，扇貝就超大粒😍燒完都唔會乾柴👍🏻👍🏻而且食海鮮唔肥，食多幾隻都冇罪惡感。