六両三 (鉅利大廈) (已結業)

鍾意食台灣嘢但好耐都冇飛台灣只可以喺香港食住先止下口癮————————-牛筋牛腱牛肉麵牛肉非常腍唔會食到黐晒牙個湯底非常濃味加咗麻辣真係比較辣 食唔到辣嘅朋友要留意啦欣賞呢間仲有油麥菜朔晒啲湯特別正鍾意食豆腐同鴨血嘅我亦都追加咗份小食如果份量再大啲就好啦另一半叫咗個滷肉飯有菜有雞蛋同台式腸做配搭成件事又豐富又好食小食牛腱本身以為會好林點知口感係煙靭爽口呢種口感又幾好食喎油麥菜都加咗滷肉健康下都係一件好事最後仲叫咗我最愛嘅芋圓甜品唔算好甜芋圓亦都好煙靭加埋雪糕正呀最後飲埋個薑茶完美嘅一餐