台灣館 (已結業)

又係食酸菜魚嘅時候，今晚經開九龍灣，嚟咗呢間響得寶商場嘅台灣餐廳。餐牌選擇好多，價錢合理，見有唔少街坊幫襯堂食及外賣。
酸菜黑魚片（$208）- 唔係好食得辣嘅我地點咗BB辣，味道酸酸辣辣，好開胃呀。分量十足，除咗有魚之外，仲有酸菜、雲耳、芽菜同蓮藕，入口好富層次感。三杯雞（$72）- 上枱已經聞到陣陣香味，雞整得好香口，開胃醒神，送飯一流。飲品叫咗綠茶拿鐵珍珠奶茶（$14 跟晚餐）同水蜜桃紅茶（$12 跟晚餐），好味又抵飲呀。

食物質素好，上菜速度極快，店員亦親切有禮，下次可以再幫襯。