影片
更多
2023-10-30
1322 瀏覽
一個月點都有一兩餐食好啲，今次試呢間係因為朋友食過幾次，佢話性價比高所以強烈推薦！餐廳座位唔多，所以要預先訂位，佢哋嘅壽喜燒套餐有三款，我哋揀咗C和牛盛宴，有前菜，野菜拼盤，特色飯點同埋是日甜品。和牛有六至七個唔同部位，一次過可以品嚐霜降和牛同埋赤身和牛，另外都會附上日本產雞蛋一隻。前菜三款有三文魚子茶碗蒸，和牛肉丸、柚子醋和牛沙律，我幾鍾意個沙律，蕃茄用話梅醃製過酸酸甜甜幾好食，和牛肉味濃郁店員每一台都會介紹返我哋食嘅係乜嘢，然後逐款煎俾我地食，我記得有霜降有日本A5和牛西冷、肩胛芯、沙巴當，赤身有牛肩肉、牛肩胛、牛上肩。我最鍾意食三款霜降，A5和牛西冷雪花紋平均，帶有濃郁嘅牛香味，入口有滿足嘅感覺。肩胛芯油脂感較輕，肉質比較軟腍，口感嫩滑，沙巴當油花比較多，口感幼嫩，完全有入口即溶嘅感覺！其實食完咁多塊牛同雜菜之後已經幾飽，仲有個雜炊飯用咗牛肉，紫菜，雞蛋，蔥花加入壽喜燒汁。成件事係好好味嘅，但真係因為太飽我淨係食到兩啖，最後加埋個雪糕真係大滿足！仲有我幾鍾意佢哋嘅茶，好香白桃香味，整體都好滿意，性價比高，可以再食！
餐廳座位唔多，所以要預先訂位，佢哋嘅壽喜燒套餐有三款，我哋揀咗C和牛盛宴，有前菜，野菜拼盤，特色飯點同埋是日甜品。和牛有六至七個唔同部位，一次過可以品嚐霜降和牛同埋赤身和牛，另外都會附上日本產雞蛋一隻。
前菜三款有三文魚子茶碗蒸，和牛肉丸、柚子醋和牛沙律，我幾鍾意個沙律，蕃茄用話梅醃製過酸酸甜甜幾好食，和牛肉味濃郁
店員每一台都會介紹返我哋食嘅係乜嘢，然後逐款煎俾我地食，我記得有霜降有日本A5和牛西冷、肩胛芯、沙巴當，赤身有牛肩肉、牛肩胛、牛上肩。
我最鍾意食三款霜降，A5和牛西冷雪花紋平均，帶有濃郁嘅牛香味，入口有滿足嘅感覺。肩胛芯油脂感較輕，肉質比較軟腍，口感嫩滑，沙巴當油花比較多，口感幼嫩，完全有入口即溶嘅感覺！
其實食完咁多塊牛同雜菜之後已經幾飽，仲有個雜炊飯用咗牛肉，紫菜，雞蛋，蔥花加入壽喜燒汁。成件事係好好味嘅，但真係因為太飽我淨係食到兩啖，最後加埋個雪糕真係大滿足！
仲有我幾鍾意佢哋嘅茶，好香白桃香味，整體都好滿意，性價比高，可以再食！
張貼
