富堡茶餐廳

營業中

休息中

同朋友行完大老山，諗住落黃大仙食個下午茶，就求其入左間門口有個傳統大招牌嘅茶餐廳開餐。下午茶餐B: 吉列豬扒配西多士 $35做運動消耗完熱量之後梗係要食返啲高熱量食物補充下。下午茶餐免費配熱飲。豬扒睇落好大塊，但其實揼到好薄，咬落香脆唔油膩。西多士花生醬餡份量適中，配糖膠牛油簡直係邪惡之選。下午茶餐H: 豬軟骨米線 $42茶餐廳好少會有豬軟骨食，餣得入味唔會死鹹，米粉軟硬適中，菜芯鮮綠。總結下午茶性價比高，食物水準正常發揮。