川婆婆 (利園山道) (已結業)

約咗朋友食飯，佢喺希慎廣場返工，佢帶我嚟呢間喺希慎旁邊嘅「川婆婆」食晚飯，小店裝修格局，有幾枱似係附近剛收工的白領麗人。我點咗：🐟酸菜魚$76，已包括白飯，飲金鳳烏龍茶$15酸菜魚份量好大，我選咗BB辣椒🌶️，無論魚肉、配菜都慷慨，嫩滑嘅魚肉配埋豐富嘅配菜、裏面有芽菜、蓮藕、海帶等，送飯一流。朋友就點咗🐮蕃茄肥牛$76，飲凍石磨豆漿$12亦都係包白飯，湯底蕃茄味香濃，肥牛份量不少，朋友食得好滋味。再加咗啲小食一齊食：🐥手撕雞$48我哋選咗唔辣，麻香十足，皮爽肉滑。🐂麻辣牛丸$28一客六粒，口感彈牙麻辣，幾惹味。🥬上湯菜心$22上湯加上蒜蓉，好香蒜味，配上菜心，好啱我心意。