恩嚐甜品

營業中

休息中

呢間鋪頭之前都聽過人介紹過，咁岩附近經過，就順便買外賣翻屋企試下，當日都見到附近嘅街坊會打電話落order，再去門市拎外賣。值得一讚嘅係鋪頭好貼心，將熱同凍嘅甜品分開唔同袋放！1.雲喱嗱豆焦糖燉蛋呢個燉蛋好足料，係用雲喱嗱籽製作，食到底會見到好多粒雲喱嗱籽；個甜品表面有一層脆卜卜嘅焦糖層，燉蛋都整到好幼滑，同時keep到有蛋味。2.檸檬汁凍疏乎厘個疏乎厘嘅質地好有趣，個口感似平時食嘅慕斯蛋糕，一放入口即溶，再加埋表面嘅芒果肉，增加口感嘅層次。3.法式醬汁煮洋梨第一次試呢款甜品，因為店員嘅推介，所以就叫黎試下，比我想似中好食。個醬汁個味道同焦糖燉蛋嘅味道好相似，醬汁濃稠度恰好，每一片洋梨都好入味。