影片
更多
2021-09-06
153 瀏覽
是日 Happy Friday🥳，所以就約定同事們一行十幾人試吓呢間新開嘅餐廳。本身淨係睇個電名以為係Meow Meow Cafe，去到就發現原來係一間走懷舊文青風嘅Cafe～店入面每個角度都唔同類型嘅書籍，懸疑小說、翻譯小說同漫畫等📚通通有齊，書卷味甚濃～每樣傢俬擺設同樣走懷舊風格，睇得出店主花咗唔少心思去搜羅呢一系列嘅特色擺設，而我就份外欣賞部鋼琴（有啲似E先生MV入面個部🤣）另外仲有啲植物作點綴，非常值得打卡！而且都見到有兩枱客人帶埋狗狗嚟，佢哋都乖乖哋陪主人一齊影相，好可愛💕嘢食方面，唔知係因為仲喺試業關係，選擇唔算多，而我就揀咗叉燒拉麵嚟試吓。由於唔係傳統主打拉麵嘅餐廳，所以本身冇咩期望。一見到首先係好驚訝其份量之大😱碗麵本身都好大，仲有連埋3碟仔前菜+湯+甜品，實在十分抵食。- 前菜 - （唔sure正確菜式名，憑味蕾命名😛• 芝士獅子狗• 牛油炒菇• 芥末菠菜波波頭兩味不過不失，但令我十分驚喜嘅係芥末菠菜波波。食前唔太知係咩嚟，都有少少驚會中伏😂食落口先發現係菠菜，仲加埋芥末醬，呢個組合已經夠晒創新，但係其實係完全冇違和感。芥末冇搶去菠菜嘅味，亦唔攻鼻，所以我覺得作為前菜
店入面每個角度都唔同類型嘅書籍，懸疑小說、翻譯小說同漫畫等📚通通有齊，書卷味甚濃～
每樣傢俬擺設同樣走懷舊風格，睇得出店主花咗唔少心思去搜羅呢一系列嘅特色擺設，而我就份外欣賞部鋼琴（有啲似E先生MV入面個部🤣）另外仲有啲植物作點綴，非常值得打卡！而且都見到有兩枱客人帶埋狗狗嚟，佢哋都乖乖哋陪主人一齊影相，好可愛💕
嘢食方面，唔知係因為仲喺試業關係，選擇唔算多，而我就揀咗叉燒拉麵嚟試吓。由於唔係傳統主打拉麵嘅餐廳，所以本身冇咩期望。一見到首先係好驚訝其份量之大😱碗麵本身都好大，仲有連埋3碟仔前菜+湯+甜品，實在十分抵食。
- 前菜 - （唔sure正確菜式名，憑味蕾命名😛
• 芝士獅子狗
• 牛油炒菇
• 芥末菠菜波波
頭兩味不過不失，但令我十分驚喜嘅係芥末菠菜波波。食前唔太知係咩嚟，都有少少驚會中伏😂食落口先發現係菠菜，仲加埋芥末醬，呢個組合已經夠晒創新，但係其實係完全冇違和感。芥末冇搶去菠菜嘅味，亦唔攻鼻，所以我覺得作為前菜嚟講係好出色，值得一試。
- 主菜 -
豬骨濃湯叉燒拉麵 $88
叉燒比想像中厚，拉麵份量多🍜，不過可能因為我等埋同事上菜一齊食，放耐咗陣所以食落有啲冧，同埋叉燒連埋湯食就有啲鹹。
豬骨濃湯叉燒拉麵
$88
19 瀏覽
0 讚好
0 留言
鰻魚滑蛋便當 $108（同事叫，偷食咗啖😆）
飯唔使多講，睇圖都見到同麵一樣，份量多。值得一讚嘅係鰻魚原條上，一啲都冇手軟，而且肉肥油香！個汁都啱啱好，唔會太鹹/濃，冇搶去鰻魚原有味道。
燒鯖魚便當 $88（同事叫，偷食咗啖😆）
正常發揮，冇腥味，都唔錯，唯一同事反映係較為多骨。
- 甜品 -
哈蜜瓜🍈都好少會食到酸味，所以好難會有啲咩失準😂純粹本身以為甜品會係小泡芙或者小蛋糕個啲，冇估到係生果。但食落好清甜，而且飯後果可以去一去食飯嘅飽膩感都唔錯。
唯一要彈嘅係可能因為係Open Kitchen關係，場內油煙都幾勁💨，開頭唔太覺，因為冇實際睇得到嘅油煙噴出嚟。但食食下發現好醃眼，同事就話係油煙所致，搞到不時會流眼水，走嗰陣亦都發現成身都係油煙味⋯
張貼
