OASIS (已結業)

情人節就快到喇！大家係咪又頭痛緊點慶祝呢？等我介紹一間CP值高嘅餐廳俾你地啦！餐廳仲特意將菜名改成好有浪漫溫馨嘅句子，等你哋可以越食越sweet！情人節二人套餐 $688/2位情意綿綿(黑松露海鮮蒸蛋)茶碗蒸一打開蓋已經聞到好香黑松露味，入口嫩滑，蛋味香濃，配埋蟹鉗更顯矜貴。情比金堅(西班牙熟成火腿沙律)西班牙熟成火腿肉質軟腍，油花均勻，味道甘香，配上沙律同柚子皮可平衡油膩感。愛你一萬年(銀雪魚西京燒)火喉控制得恰到好處，魚肉鮮甜嫩滑，西京燒通常會偏咸，但呢到嘅味道剛好，推介！幸福飽滿(磯煮鮑魚)鮑魚炆煮得好入味，肉質鮮嫩彈牙，醬汁甜甜地幾好食。白頭到老 (櫻花蝦干豆腐揚)豆腐被櫻花蝦滿滿包裹着，炸過嘅櫻花蝦帶一種咸香味，豆腐口感軟滑。細水長流 (明蝦迷你梅素麵）梅素麵呈粉紅色，散發淡淡梅味，麵質順滑，雖然話迷你，但份量都吾少。情深似海（茶壺海鮮湯）海鮮湯以茶壺原壺奉上，配料有大蝦、蟹鉗同魚肉，用了柚子皮調味，除海鮮湯嘅鮮甜外，還有清新嘅柚子味。甜到入心(脆炸雪糕）雪糕外衣炸得非常鬆脆，熱與凍嘅交融，口感一流！醉迷情人(清酒)清酒香氣撲鼻，味道清淡，容易入口。