味火鍋 (雅仕洋樓)

放題食得多,無限時任食真係第一次🥰最長可以食足七個鐘㗎!仲要價錢一啲都唔貴,食物質素亦好好,性價比甚高👍火鍋分為四步曲,第一步先食頭盤,食住慢慢等湯底ready😆佢哋頭盤選擇都好豐富：佛跳牆、龍蝦、生蠔、雞煲和酸菜魚,樣樣都咁正,真係唔知點揀好🥹去到第三部曲就係佢哋嘅皇牌火鍋拼盤,海鮮同肉類嘅種類都繁多🤤海鮮有元貝、鮑魚、蝦、魚、蟹柳和各種丸類😙牛肉拼盤亦都好吸引,當然就少不了平時食開嘅靚牛啦：牛小排、牛肩胛、封門柳、牛板鍵☺️淨係頭三部曲已經食到超級飽,而第四部曲可以無限追加配料添😚整體嚟講十分推薦呢間火鍋放題俾大家,性價比高,服務好,食物高質而且坐落環境舒服,最啱假期同朋友一齊chill chill 🥂