一鍋堂 (瓊華中心)

營業中

休息中

今晚食「一鍋堂」，旺角有兩間而我哋食位於瓊華中心個間。未到六點半已經有客食緊，我哋坐低order咗Set C 高級日本＆極上安格斯牛小排，配一鍋麻辣鴨血豆腐鍋。日本牛肉係黑毛和牛，今日嘅traget就係佢😋。兩碟和牛上咗枱，脂肪紋好均好靚，食完再order，可以限時內無限order (每次限order 3 碟，用餐時間完之前半個鐘截單，即係有1.5小時落單) ，大部分都係脂肪分布均勻，偶爾一兩碟比較普通。雖然係麻辣湯底，只係微辣，鴨血有兩塊，幾好味，辣啲就好味啲😆。我哋仲有order墨魚仔，手打墨魚丸，手打潮州牛丸。手打丸都唔錯，可以試吓。怕麻煩，冇order 貝殼類海鮮。除咗用Apps order指定食物，出面都有好多其他食物提供，熟食有鳳瓜魚蛋，火鍋食材材有典型嘅的蔬菜類，丸類，芝士腸等等，點都要會有啱心水嘅。飲品方面，有凍有熱:支裝茶飲及氣水，熱水泡三角茶包。食足兩個鐘，食到好滿足😌。走時出面坐滿人等位，都真係好受歡迎下。