魔膳廚房 (已結業)

今個星期日出左觀塘區行街，預先搵到有咩好野食嘅時候，見到有人介紹呢間位於工業大廈嘅自助餐，唔單止位置便利，好近大型商場同地鐵站，而且性價比仲好添！點解咁講？因為佢做緊假日午市自助餐，只係需要$88！平時食個飯餐都要$40-$50，而家只需比多少少，就可以有咁多選擇，我覺得呢間餐廳非常有誠意！餐廳位於一樓，要行一層樓梯先去到，門外綠化嘅裝飾令人置身於叢林中，室內嘅佈置一啲都唔馬虎，臨近聖誕都好有聖誕氣氛添！重點黎喇，食物方面，以呢個價錢都叫做有好多選擇喇！沙律吧可以任拎沙律生果等等，仲有兩款熱湯，我試左雜菜湯，味道好濃郁！熱食放係大盤內一路heat住，唔怕會凍左，選擇都有8-10款，例如燴牛臉脥肉，瑞士雞翼，照燒雞扒，鮮茄豬扒，炸魚餅，蒜蓉炒雜菜，芝士煙肉焗西蘭花，黑松露忌廉焗魚柳，燴牛舌，仲有三款炒粉麵，味道做得好出色！甜品都有好多選擇架，唔單止有各式糕點，最特別係有生果吐司，芒果糯米飯，爆谷機，仲有一部綿花糖機可以比大人細路一嘗整綿花糖嘅樂趣！飲品方面更加勝過好多酒店，因為選擇夠多，凍飲有三款選擇，蜜桃茶，荔枝梳打同埋檸檬茶，熱飲就厲害喇！有不同味道嘅茶包，同埋花lum，任君選擇，例