越式阿肥美食

營業中

休息中

琴日去朋友屋企前就已經打算嚟搵阿肥食。住係附近嘅街坊都一定會成日食呢間阿肥，聞名於世嘅就係蒜香牛油雞翼。雖然佢唔平，但個個都話一定要試，睇嚟下次嚟都真係要試下先得。我以前嚟食過幾次，見到大家都係推介豬扒飯/四寶飯。但我就一直都係鍾情於炸肉餅飯，仲要加埋沙嗲汁同炸蒜。四十幾蚊嘅飯就已經有兩大塊肉餅，一啲都唔會孤寒。而加沙嗲汁係要加$1，加完一定唔會後悔，成個飯都會充滿住啖啖花生香味，大家嚟到一定要試試炸肉餅飯先得！