酸菜碰上魚 (明安街)

營業中

休息中

前排去紅磡，見到有間新開嘅酸菜魚外賣鋪，都有頗多人幫襯，就買外賣翻屋企食。如果住紅磡嘅街坊想買外賣，可以電話落單先，再親身去鋪頭拎外賣。1.金湯酸菜魚 - 大份佢個酸菜魚嘅性價比都幾高，有分金湯（酸辣）同濃湯（不辣），今次個湯底我就簡咗個金湯，辣度都唔算好辣，辣同酸嘅味道都平衡得幾好，又唔會好油。魚嘅份量都幾多，最重要係無骨，同埋都幾嫩滑；配料嘅份量都幾多下，有豆卜、薯粉、芽菜等，配料都索到湯嘅味道。2.涼拌金錢肚金錢肚嘅份量都幾多，仲要好入味，平時食金錢肚好驚會好韌，但係呢間鋪嘅金錢肚炆到爽脆彈牙；金錢肚下嘅芽菜都索哂醬汁嘅味道，好岩撈飯食。3.酸辣粉我覺得佢嘅酸菜魚比酸辣粉更出色，可能因為我翻屋企嘅時間太長，搞到浸淋咗啲薯粉。不過值得一讚嘅係佢嘅份量好多，仲要有好多配料，啲薯粉都幾入味。