味真 (已結業)

今日去沙田第一城探朋友，朋友介紹有間喺韓國開過黎香港嘅韓式燒烤，睇睇餐牌都幾抵食，我地叫咗幾款試吓。未點餐，店員已經拎咗勁多生菜，前菜，醬料比我地，d前菜味道都好正宗。伊比利豬肩肉非常高質，脂肪肥瘦均勻，燒完完全唔油膩，食落肉質彈牙，一d都唔柴，好重豬肉味，唔錯。豬頸肉唔會好肥，燒到外脆入面爽口，夾住生菜同前菜食一流。帶子都幾大隻，燒完都仲好大隻，好新鮮，好鮮甜。豬皮原來係熟食,佢地已經燒完先上枱，食落外面脆脆地，口感煙煙韌韌，仲有黃豆粉，咖哩粉同醬汁點黎食，正。肥牛麵豉湯上枱仲滾緊，熱辣辣，個湯麵豉味好特出，入面仲有大量牛肉，豆腐同脆肉瓜，牛肉非常嫩滑，好味。涷湯蕎麥麵夏天食涷冰冰嘅冷麵，真係非常正，d麵質煙煙韌韌，味道非常好。西瓜梳打好香西瓜香味，唔太甜，唔錯。甜米露第1次飲，又幾香米味，甜甜地，入面仲有真嘅米粒，都幾特別。