影片
更多
2016-01-03
466 瀏覽
天寒地凍，最岩食韓燒！今晚去呢間朋友試過覺得不錯的韓國餐廳！餐廳位於尖沙咀亞士厘道，只距離地鐵站5分鐘路程，相當方便。一行三人進入餐廳，侍應姐姐帶我地入座，餐廳唔算大，約有50-60個座位，我地到達時已經滿座，幸好有訂位。侍應姐姐殷勤地遞上茶水，menu 及韓國料理不可缺少的6小碟。我地最愛有經典泡菜及辣蘿白，真係食餐前小食都可以食飽。侍應姐姐推薦我地試下個醬油蟹 $138，因為我地之前從未試過，於是叫一碟試下@.@本身我唔太好食蟹，仲要食生嘅，真係有啲怕怕，不過人一世物一世咩都要試下。醬油係甜甜地嘅，唔太過咸，加左少少薑辟腥，仲有少少辣椒令個汁惹味啲。蟹本身唔算多肉多膏，不過新鮮無腥味，唔錯。到主菜燒肉啦！我地order左牛肉拼盤$220，包括左牛嘅唔同部位，有2種牛肋骨及薄切牛柳，全部都係預先醃製好，燒完就咁食都已經好惹味，唔使再點其他醬汁。牛肉拼盤嘅配搭可能隨時變，所以order前問問店員先。燒肉點可以唔配生菜？生菜新鮮爽脆，夾住燒肉食可減少油膩及罪惡感！另外值得讚嘅係鮮帶子，$130 有6件， 大大隻，好新鮮！肉質彈牙鮮甜！呢間韓燒坐得舒服，性價比高!
餐廳位於尖沙咀亞士厘道，只距離地鐵站5分鐘路程，相當方便。
一行三人進入餐廳，侍應姐姐帶我地入座，餐廳唔算大，約有50-60個座位，我地到達時已經滿座，幸好有訂位。
侍應姐姐殷勤地遞上茶水，menu 及韓國料理不可缺少的6小碟。我地最愛有經典泡菜及辣蘿白，真係食餐前小食都可以食飽。
侍應姐姐推薦我地試下個醬油蟹 $138，因為我地之前從未試過，於是叫一碟試下@.@本身我唔太好食蟹，仲要食生嘅，真係有啲怕怕，不過人一世物一世咩都要試下。醬油係甜甜地嘅，唔太過咸，加左少少薑辟腥，仲有少少辣椒令個汁惹味啲。蟹本身唔算多肉多膏，不過新鮮無腥味，唔錯。
到主菜燒肉啦！我地order左牛肉拼盤$220，包括左牛嘅唔同部位，有2種牛肋骨及薄切牛柳，全部都係預先醃製好，燒完就咁食都已經好惹味，唔使再點其他醬汁。牛肉拼盤嘅配搭可能隨時變，所以order前問問店員先。燒肉點可以唔配生菜？生菜新鮮爽脆，夾住燒肉食可減少油膩及罪惡感！
另外值得讚嘅係鮮帶子，$130 有6件， 大大隻，好新鮮！肉質彈牙鮮甜！
呢間韓燒坐得舒服，性價比高!
張貼
