小茶堂 (已結業)

台式珍珠奶茶舖開到成行成市但坊間品質真係參差不齊以前無得揀先會飲貢茶、歇腳亭哩啲港式珠奶😂雖然我中學成日飲但而家真係對飲咩落肚好有要求😗老虎堂、幸福堂哩啲係好飲，但都好貴！又要大排長龍！真係試一次就夠～小茶堂真係我覆桌又覆桌嘅珍珠奶茶舖佢個茶底飲得出係認真出品 真係有茶味 絕對唔會一味死甜！今次我飲黑糖珍珠奶綠都試得出佢綠茶同奶嘅完美比例 佢隻黑糖珍珠亦粒粒彈牙同真係啖啖黑糖味 我超級欣賞 由第一啖到最尾一啖我都係同朋友讚緊哩杯嘢🥺上次飲佢烏龍茶底都係一流！厚奶仲十分試得出佢地嘅功架所在，真係好想佢開多啲分店，淘汰啲有名無實例如丸xxx、heexxxxx嗰啲標榜用心做茶，但難飲到傻嘅珍珠奶茶舖！