8 RECIPES (已結業)

今日放假嚟咗間靚靚嘅cafe食晏chill下。估唔到中午12點半已經咁多人，多人到坐滿晒，但好彩都俾我哋攞到位？有好吸引嘅蛋糕麵包放係度，我都忍唔住嗌咗個牛角包試下。仲有日式嘅咖啡包，下次可以買啲試下。套餐都幾掋食$68-$88就有個主菜喇。如果想要小食同飲品等等就可以以優惠價換取。芝士焗鮮茄黑豚肉意粉（$78）- 真係好多芝士，啲芝士仲多到可以拉埋絲。黑豚肉都幾濃滑，配埋意粉幾夾。鮮素菜忌廉三文魚芝士意粉（$78）- 個汁好creamy又唔會太膩，而煙三文魚份量都幾多。餐飲就嗌咗凍鮮奶咖啡同熱檸茶，個咖啡味都幾濃郁，仲可以走甜，唔錯。烤肉拉絲芝士薯條（$48）- 勁邪惡嘅小食，薯條上面仲有黑豚肉勁多芝士，真係估唔到份量咁大，就咁食呢個都會好飽。牛角包（$18）- 烘到熱辣辣嘅牛角包好鬆脆同有層次，牛油味仲好濃郁添。