Story Steak & Pasta (已結業)

本身諗住求其食個lunch就去睇戲，行過見到俾個menu吸引左。個價錢平均$50幾蚊到，免收加一，包一杯餐飲，比茶餐廳只係貴少少。Lunch時間都多人等，我地都等左15mins。入到去雖然檯與檯都有少少迫，但總算乾淨同坐得舒服。招牌手打安格斯牛肉漢堡配薯條 $47 見menu推介招牌主打就試下，估唔到牛肉好juicy，夾埋蕃茄，煙肉，芝士一啖咬落去，咀細都唔多掂呀。吉列炸魚柳及紐綸堡腸配意粉 $47 魚柳炸得唔錯，熱辣辣，紐綸堡腸一般，芝麻醬沙律，加黑椒汁意粉，食完呢個餐都好飽。性價比高，值得一試。