泰特色泰國餐廳 (已結業)

嚟到荃灣，講起食泰國嘢，仲要去到路德圍，好多人第一間都會諗起金字行頭嘅餐廳，不過我食飯都係講求舒舒服服，有啲熱店就未必太啱，因為好多時都要排隊，而且食飯又好趕，所以喺路德圍我通常都會上二樓嘅一間泰國菜呢間泰國菜除咗頭先所講唔使點等位同坐得舒服外，仲好抵食添，30幾蚊就有一個lunch，非常經濟實惠同埋重點就係，set lunch居然有肉骨茶，我可以話去過咁多間泰國菜都冇見過set lunch有得叫，當然要試下喇肉骨茶套餐都唔算貴，48蚊有交易，就噉睇都見到好多杞子都足料嘅，湯飲落去都幾清甜，唔會好油，亦唔會話好有藥材味，飲完成碗都唔夠肥膩，豬骨就好似煲湯嗰啲肉噉，肉質有鞋但都腍嘅，另外仲有一兩塊腐竹。雖然我好少食肉骨茶，但係我覺得都幾好食嘅香葉辣肉碎飯加蛋，唎個飯個份量真係好大，肉碎多到好澎湃，食辣辣地其實幾過癮，送飯一流呢度食飯都係大件夾抵食，而且又唔使等位，又坐得舒舒服服噉，已經成為咗我嘅飯堂