聚聚 (已結業)

2024新一年要食好d🫶🏻今次推介大家食鮑魚餐每位只係$398套餐好多野食 性價比極高卡位環境又舒適 啱晒一家大細去✨翡翠金枕鮑魚套餐 $398/位✨🔸七味茄子拌酥炸魷魚圈七味茄子周炸魷魚圈各有四件，每一件都炸到金黃香脆。茄子咬落外脆內軟，食落完全唔油膩。魷魚圈香脆彈牙，口感好有層次，點埋蛋黃沙律醬食就仲正。🔸翡翠金枕扣二頭鮑魚呢度菜係呢個套餐嘅主角，金枕二頭鮑魚非常大隻，熟度煮得啱啱好，口感好彈牙，食落味道好鮮甜，個汁亦都好入味。🔸金湯海皇燴素翅個湯賣相瑰麗金黃，非常吸睛。湯嘅質感好濃郁，用料亦好豐富，有素翅、海蝦、帶子等等。湯嘅味道好鮮香，十分高質。🔸香草汁燒焗龍脷柳龍脷柳外層炸到好酥脆，內裡嘅魚肉就非常滑溜，食落好juicy。香草汁感覺好清新，可以令到龍脷柳食落無咁油膩。🔸杞子杏汁浸青蔬菜苗非常新鮮嫩綠，食落非常爽口，杞子枱汁味道香濃，菜苗浸到入哂味。🔸豐足糯米飯豐足糯米飯用料好豐富，有冬菇、臘腸、蝦米。糯米飯炒完之後樂香，口感樂軟腍。🔸養生紅棗茶湯圓一碗有兩粒湯圓，紅棗茶好甘香，食埋呢道甜品非常圓滿 。