鳴虎 (新城市廣場三期) (裝修中)

沙田依家名鳴虎拉麵係位於一田超市入邊，舖頭位置係角落位，都唔係咁容易搵到。只有幾個座位，店舖面積非常之細。今日就去左試，叫咗一碗拉麵。一碗鳴虎拉麵有叉燒，京蔥，溏心蛋同木耳，配料非常豐富！湯汁味道又非常濃郁，好有鮮味，未食之前聞落去已經好香！拉麵亦都係選用日本製造嘅拉麵，質感爽口彈牙。叉燒亦都好惹味同嫩滑，入口即溶，又用火槍炙燒過逼出油分所以唔會太肥膩。總括而言，依一間算係性價比高又好食嘅拉麵店。