蜜蜜見 (已結業)

將軍澳天晉匯嗰邊其實都有唔少餐廳，今次過到黎就揀左哩間蜜蜜見試下，餐廳環境色彩繽紛，頭頂仲掛住好多唔同顏色既氣球。餐牌上面有唔同既小食、意粉同甜品可以選擇，而且食物價錢實惠，性價比高，今次我地就叫左以下食物share👇🏻🐷蜜蜜豬手 $128豬手份量好多，而且已經切好曬，方便易食，豬手表皮夠香脆，內裏肉質鮮嫩，灑上蜜糖後相當好食。🐖豬仔髀（3隻）$52豬仔髀好有驚喜❗️一上枱已經聞到孜然既香味，咬落去肉質鮮嫩，充滿肉汁，非常惹味，哩個價錢真係好抵食，好食推介👍🏻🍫奶蓋伯爵珍珠心太軟 $60心太軟蛋糕質感較為濕潤，一切開裏面流出黎既係伯爵茶味既流心，仲要有軟霖霖既珍珠，都幾特別，特別鍾意面層既奶蓋，加埋蛋糕一齊食真係唔錯。🍵玫瑰花茶 $28玫瑰花茶下面有小蠟燭幫助保溫，飲曬之後店員仲會再幫你添水二泡，花茶有淡淡玫瑰香味，味道唔會太濃。🍊新鮮水果茶 $38水果茶既茶味好濃，入面有藍莓、士多啤梨、橙、奇異果同熱情果粒粒，味道酸甜開胃。整體黎講，餐廳食物質素唔錯，性價比都真係幾高，如果大家過開將軍澳都可以試下。