東京大眾酒場 (已結業)

之前行過lost star見到依間大眾酒場，裝潢唔差又富有空間感已經想試下🏮壁畫有心思，成間店都有種現代化嘅江户氣思。門口仲有一個關東煮嘅檔口，比你去自由點選關東煮。最好味嘅雞湯，入哂所有精華。上面仲結咗一層香味十足又唔膩嘅雞油，飲到啖啖心機。酸甜、充滿果實香氣嘅柚子☺️大大鍋嘅美人鍋，非常抵食。雞件嫩滑，鍋入面嘅雞湯依然香醇，配上旺牙白嘅清甜，令我哋忍唔住飲咗半鍋。螢光魷魚都比市價上嘅好食，魷魚本身爽脆，漬得冇死鹹。食居酒屋又點可以唔食枝豆呢。我哋又嗌咗啲串燒，有雞腎、牛舌、雞肉串、大蔥、雞皮、秋葵等等，串燒小巧精緻，調味得宜。再嗌埋浜燒，甲羅燒配薯片，蟹膏濃香加埋一絲絲蟹肉，大蝦新鮮彈牙，蝦頭膏香四溢。坐得舒適，座位之間有距離，加上店舖地點都叫近奧運站，係聚會好選擇之一。