溏串小町 (已結業)

今日約咗好耐無見嘅朋友聚下舊，傾到咁上下就同咗佢嚟呢間日式小店一路開餐一路繼續傾。餐廳裝修同擺設都相當有心思，而且餐牌上食物嘅價錢都十分大眾化。牛油果軟殼蟹卷 ($92/8件) : 軟殼蟹卷用上昆布作為外層令賣相更加悅目，再配上大量蟹籽及沙律醬等配料，非常大件嘅軟殼蟹油炸技術一流，酥脆而不油膩，真係睇得又食得。一夜干 ($98) : 一夜干算係居酒屋熱門美食，咁當然要叫黎試試，外皮燒至金黃微焦香味四溢，內裏肉質彈牙鮮味十足。滑蛋吉列豬扒丼 ($68) : 吉列豬扒非常鬆脆，而且厚薄適中，味道唔錯之餘份量亦相當多。😋