博居酒屋

營業中

休息中

太子酒吧街附近一間性價比高既居酒屋。店內燈光柔和，裝潢極具和風特色。座位大約只有20多個，所以記得要預約。✨A5宮崎和牛味噌三文治用上高級宮崎A5和牛，肉質好腍好多汁，肉味濃。配上輕輕烤過既三文治包，再加上味噌醬汁，好美味。✨燒雞冠第一次食，幾有趣。脆卜卜但唔油膩，佐酒一流。✨燒雞翼用上本地三黃雞，油香非常香濃，肉質嫩滑，外皮則烤得香脆。✨燒雞頸肉肥瘦適中，肉質具彈性，煙韌有咬口。✨汁燒鰻魚鰻魚好肥美厚身，醬汁濃厚，甜度剛好，亦帶有芝麻香，但不會蓋過鰻魚既甘甜鮮味。✨田樂豆腐豆腐外層非常脆身，內裡熱辣辣滑嘟嘟。面層係稍為燒過既味噌醬汁，好鐘意💗✨焦糖菠蘿菠蘿又甜又夠多汁，加埋香脆焦糖，yummyyy。✨雞湯以暖笠笠嘅雞湯作結。味道清甜，仲有好多雞絲。