板神鉄板燒日本料理 (The Hennessy) (已結業)

銅鑼灣，灣仔，尖沙咀同觀塘都有分店。今次去左灣仔分店，係30樓，望到海景，鋪內空間足夠，坐位舒適。食物好味，價錢合理，已encore🤣 當日揀左午市商務套餐(2位用 $1680)，坐係bar枱可以睇住師傅整，好好的體驗😍仲見到啲食材好新鮮。。前菜：鴨胸沙律配芝麻醬。刺身三款轉左蟹肉他他，底層係牛油果。帶子，幾大隻燒到金黃色，唔會太熟啱啱好，好有鮮味好甜，配埋三文魚子，更有口感。。鮑魚，好新鮮仲見到佢郁，唔會韌，好易咬好彈牙，配埋合汁好惹味。。龍蝦，本身已經好鮮甜好多肉，面頭有蝦膏整嘅醬，好好味。龍蝦湯，個龍蝦頭拎左去煲麵鼓湯，提升鮮味，好甜好好飲。。澳洲和牛。薄燒，牛肉有肉汁好滑，入面包住蔥花同蒜片，口感豐富，又惹味又香口。厚燒，牛肉嘅脂肪令到牛肉唔會太乾，好食。和牛炒飯，超有鑊氣！和牛粒加埋蛋同蔥花，炒到粒粒分明，就算好飽都覺得好好食。跟餐有個甜品。另外如果師傅有時間會整焦糖多士，雖然只是多士上灑左糖，再燒焦，但都好好味。推介！海鮮全部都好鮮甜，成個套餐嘅野食都好好味，價錢好抵。餐廳仲有好多其他套餐，有份量少啲或者配左唔用食料，例如蝦，銀鱈魚，豚肉，可以根據喜好揀返。最近好似有優惠。