影片
更多
2018-11-21
179 瀏覽
大滿喜好就腳，觀塘A出口穿過apm 行去亞太中心，門口搭lift上10樓就係。仲要幾大幾闊落～坐得幾舒服。上菜快、d staff都幾好態度～個碟d嘢一食完就好快幫你收起～放題黎講大滿喜算係幾高質，食物種類多，刺身新鮮，甜品雪糕飲品選擇都多，而且價錢又唔貴，閒日夜晚178加一，性價比都算幾高～我覺得有幾樣特別好食，例如甜蝦刺身、北海道帶子刺身、油甘魚腩壽司、炙燒左口魚壽司、白鳥貝壽司、芝士鰻魚卷、蕃薯天婦羅、花膠鵝掌、黃金帆立貝等。佢仲有得打邊爐、壽喜燒等窩物同小菜，下次有機會一定要試下。沙律小食泰式鳳爪偏辣，冇咩酸味反而帶d 甜味。生蝦酸酸辣辣，食落都鮮甜。刺身油甘魚，都幾油香，唔會腥，幾唔錯。吞拿魚冇筋且幾新鮮，我會加dd紫蘇葉一齊食，味道好豐富好fresh。甜蝦連頭上，冇雪味，幾甜幾新鮮！甜蛋比較孩口，質感很一般，蛋香味不足。螺肉或者北海道帶子加檸檬汁好夾好fresh，而且都好新鮮，帶子好鮮甜。希靈魚本身偏腥，但係佢地嘅希靈魚醃製嘅甜味同買脆脆嘅魚子，掩蓋左佢部分腥味，口感好特別。北寄貝都算爽口但冇咩味。素鮑魚普通，甜甜地。壽司 炙燒左口魚真係好入口即溶，略嫌太薄。柚子胡椒油甘魚腩
仲要幾大幾闊落～坐得幾舒服。上菜快、d staff都幾好態度～個碟d嘢一食完就好快幫你收起～
放題黎講大滿喜算係幾高質，食物種類多，刺身新鮮，甜品雪糕飲品選擇都多，而且價錢又唔貴，閒日夜晚178加一，性價比都算幾高～
我覺得有幾樣特別好食，例如甜蝦刺身、北海道帶子刺身、油甘魚腩壽司、炙燒左口魚壽司、白鳥貝壽司、芝士鰻魚卷、蕃薯天婦羅、花膠鵝掌、黃金帆立貝等。佢仲有得打邊爐、壽喜燒等窩物同小菜，下次有機會一定要試下。
沙律小食
泰式鳳爪偏辣，冇咩酸味反而帶d 甜味。
生蝦酸酸辣辣，食落都鮮甜。
刺身
油甘魚，都幾油香，唔會腥，幾唔錯。
吞拿魚冇筋且幾新鮮，我會加dd紫蘇葉一齊食，味道好豐富好fresh。
甜蝦連頭上，冇雪味，幾甜幾新鮮！
甜蛋比較孩口，質感很一般，蛋香味不足。
螺肉或者北海道帶子加檸檬汁好夾好fresh，而且都好新鮮，帶子好鮮甜。
希靈魚本身偏腥，但係佢地嘅希靈魚醃製嘅甜味同買脆脆嘅魚子，掩蓋左佢部分腥味，口感好特別。
北寄貝都算爽口但冇咩味。
素鮑魚普通，甜甜地。
壽司
炙燒左口魚真係好入口即溶，略嫌太薄。
柚子胡椒油甘魚腩，如果你鍾意吞拿魚腩嘅質感同油香，一定要揀呢個，好軟好有油香，加上柚子醬嘅清新畫龍點睛，好味啊！
鰻魚壽司比例幾好，鰻魚完全冇骨又唔腥
火焰胡麻帆立貝壽司的胡麻醬味道太搶，但帆立貝口感不錯。
白鳥貝壽司 有d似象拔蚌質感，好爽口帶甜味～唔錯！
黑松露赤蝦味道不太搭，加上赤蝦不太新鮮，成個吃起來腥腥怪怪的。
卷物
忌廉芝士鰻魚卷好正！芝士加鰻魚好夾，口感好濃郁綿密
香芒龍蝦沙律卷 芒果好甜，先食到好fresh芒果味，之後龍蝦味就慢慢滲出，好吃
燒焗料理
黃金燒帆立貝 以為係芝士，原黎係車打芝士粒撈沙律醬焗，估唔到又幾creamy 幾香
燒菠蘿燒得好透，夠曬厚又甜又多汁，可惜冇燒到焦糖。
其他炸物都ok嘅～芋圓波波嘅芋頭餡唔算多，炸牛奶吉煙外面脆，入面有dd煙韌咁。
土匪雞翼有肉汁，好香孜然味，d 花椒油麻麻辣辣食完條俐痺痺麻麻，幾過癮。
串燒
沖繩網燒牛肩肉 牛肩肉幾軟化有牛味，係一片比較厚嘅肥牛，個汁入口嗰下陣味有d似咳藥水😂但食耐d就正常番
天婦羅
皇帝蟹棒係用真蟹柳炸，炸漿薄脆，食到蟹棒甜味，唔錯
有機蕃薯好甜～
冬菇冇咩調味，有dd 菇菌嘅腥味
一品料理
鮑汁花膠燜鵝掌，熱辣辣又入味，重點係好足料，花膠唔係d 雞煲劣質花膠，而係有咁上下厚度，又滑又膠口嘅花膠
飲品、甜品
自家製甜品味道都比較一般，冇邊款特別好味。但係有好多種類嘅飲品、雪糕雪條同埋幾甜嘅哈密瓜～
ps：
一般
好味
推介
唔建議
種類
張貼
