羊鞍餐廳

營業中

休息中

呢間已經成為我Comfort food，價錢合理又好食。menu 上有好多選擇，成日都有選擇困難症。今次揀咗龍蝦汁海鮮天使麵，朋友就揀咗精選午餐入邊嘅香檳忌廉汁蟹柳蜆肉螺絲粉，叫左轉意粉。送餐湯同嘢飲，凍飲加$3。餐廳有得揀忌廉湯同雜菜湯，我同朋友都揀咗雜菜湯，飲得出好足料，唔會重味精同粟粉開出黎。我嘅龍蝦汁海鮮天使麵好掛汁，超級濃味，海鮮配料非常多；蟹柳蜆肉意粉嘅蜆肉份量都幾多，忌廉汁甜甜地，我相信我相信用螺絲粉嘅話會比意粉掛汁。上菜速度超快，茶餐廳嘅速度，西餐廳嘅質素，難怪可以喺九龍城屹立咁耐！