影片
更多
2022-02-19
3157 瀏覽
慢煮屋 今次呢間餐廳就以慢煮做主題。慢煮嘅食物，我自己喺屋企度整過兩三次，但出黎嘅結果都不如所願。同區都有幾間餐廳有賣慢煮食品，都係覺得麻麻。我就希望今次呢間餐廳可以令我對慢煮呢樣野改觀。 慢煮屋位於駱駝漆大廈十一樓，與知名烏冬店同層。店舖面積唔算大，但唔會坐得太逼。食物就有慢煮雞胸/牛扒/三文魚等肉類嘅丼飯/冷麵/拌麵。 慢煮嘅原理就係將食物於低温環境下緩慢加熱至熟。因被抽真空嘅原故，所以唔會流失水份而變柴，而且好難會過熟，可以話係廚房新手嘅恩物。上碟之前只要輕輕煎吓，就會令顏色較為好看。 名古屋風味拌麵$88 牛肉份量都有8-9片，少於$100就食到牛扒黎講，都算幾抵食嘅，但質素又係另一回事。餐廳用了上牛腹肉，因運動量大，本身都偏向有咬口，較為瘦削，但肉味偏濃嘅。 餐廳慢煮嘅目的就將呢個較韌嘅肉變得軟嫩。望落中間就係血紅色，只有一至三成熟，入口是預料之內，真係幾韌嘅。慢煮嘅作用好似有D無用，而肉味就唔多，但公平去講，$88我仲可以接受嘅。面頭嘅Gravy好濃郁，充滿牛骨風味。 所謂名古屋拌麵只係“名古屋風味”，因為呢樣野本身源於台灣，但流入日本之後先至出咗名。望落就五彩濱分，有柴魚
今次呢間餐廳就以慢煮做主題。慢煮嘅食物，我自己喺屋企度整過兩三次，但出黎嘅結果都不如所願。同區都有幾間餐廳有賣慢煮食品，都係覺得麻麻。我就希望今次呢間餐廳可以令我對慢煮呢樣野改觀。
慢煮屋位於駱駝漆大廈十一樓，與知名烏冬店同層。店舖面積唔算大，但唔會坐得太逼。食物就有慢煮雞胸/牛扒/三文魚等肉類嘅丼飯/冷麵/拌麵。
慢煮嘅原理就係將食物於低温環境下緩慢加熱至熟。因被抽真空嘅原故，所以唔會流失水份而變柴，而且好難會過熟，可以話係廚房新手嘅恩物。上碟之前只要輕輕煎吓，就會令顏色較為好看。
名古屋風味拌麵$88
名古屋風味拌麵
$88
137 瀏覽
0 讚好
0 留言
牛肉份量都有8-9片，少於$100就食到牛扒黎講，都算幾抵食嘅，但質素又係另一回事。餐廳用了上牛腹肉，因運動量大，本身都偏向有咬口，較為瘦削，但肉味偏濃嘅。
慢煮牛腹肉
106 瀏覽
0 讚好
0 留言
慢煮牛腹肉
49 瀏覽
0 讚好
0 留言
餐廳慢煮嘅目的就將呢個較韌嘅肉變得軟嫩。望落中間就係血紅色，只有一至三成熟，入口是預料之內，真係幾韌嘅。慢煮嘅作用好似有D無用，而肉味就唔多，但公平去講，$88我仲可以接受嘅。面頭嘅Gravy好濃郁，充滿牛骨風味。
所謂名古屋拌麵只係“名古屋風味”，因為呢樣野本身源於台灣，但流入日本之後先至出咗名。望落就五彩濱分，有柴魚絲，咸蛋黃碎(乾)，青瓜絲，葱花，完美流心溏心蛋，紅花絲。
較特別就係個肉醬，食落好唔似豬肉，而係似豆類製品新豬肉。口感一片片/溶爛而冇豬肉味，但又唔似肉醬，好奇怪，我就麻麻。
名古屋風味拌麵
$88
62 瀏覽
0 讚好
0 留言
拉麵麵條就好明顯過熟，冇咬口，有少少蛋香。旁邊配上一隻甜中帶酸，鮮味十足(有柴魚味)嘅汁，配合蛋漿與些微嘅底油後，成個麵都係清爽而豐富嘅。
張貼
