滔滔甜品

營業中

休息中

本身以為係直舊式中式糖水舖，但睇一睇餐牌，發現除左舊式糖水外，還有一啲新式嘅台式糖水。其中試過三元豆花，馬蹄清心爽，紫薯雪糕豆花都好好味!! 糖水夠味又唔會太甜，材料豐富滿足不同口感，另外都可以根據個人喜好加配不同配料。特別係期間限定嘅玄米茶雪糕，茶味香濃，口感濃郁幼滑。而個人特別喜愛嘅係加配嘅清心爽，食每種糖水都一定會加配，口感彈牙又唔會好膩，好好咬!! 但係包涵芋圓就爭啲，如果鐘意粉粉口感嘅人士可能會啱食。糖水份量亦都大碗，價錢非常經濟，介紹每個朋友去都必讚，係可惜地方細啲，但係難得嘅好糖水舖!!