城意 (已結業)

同朋友提起好耐冇去澳門，有啲掛住當地葡國菜，於是佢就揾咗間葡國餐廳帶我去解下癮😳餐廳好寬闊，環境舒服，入面仲有自助沙律吧同甜品櫃，甜品櫃有多款精緻蛋糕，七彩繽紛，勁吸引✨一人餐包咗沙律、蒜蓉包、前菜、主菜同餐飲，沙律係自助形式，可以自己選擇食材搭配，材料都好新鮮，選擇亦多，我鐘意食嘅都應有盡有😍紅菜頭、粟米、薯仔蘋果沙律、蕃茄仔等～🔸葡國初榨橄欖油黑醋涼拌深海元貝🔸前菜都有好幾款選擇，揀咗黑醋元貝，造型好精緻，粉紅色泡泡蓋住下面大大粒元貝，元貝好彈牙，配上酸酸地嘅黑醋非常開胃👍🔸葡汁時蔬農夫包🔸話明食葡國菜又點可以少得葡汁！主菜農夫包入面係滿滿嘅葡汁燉菜，有蘑菇、蘿蔔、青瓜、小蕃茄、芝士、腸仔同椰菜等。葡汁好香濃，焗到脆卜卜嘅農夫包夾埋啲葡汁同燉菜一齊食～正🤤🔸葡國烤乳豬🔸無理由得菜冇肉肉🙈聽聞呢度烤乳豬係招牌菜，一於叫嚟試下～乳豬外皮超薄超脆，肉質非常嫩滑🤤皮同肉之間有少少脂肪，食落油香四溢😍搭配嘅醬汁同青木瓜都帶有少少酸味，食完都唔會太油膩👍餐點份量好豐富，本來仲打算餐後叫件蛋糕，可惜太飽，唯有下次再黎試😆