牛摩+ (沙田中心) (已結業)

今日去咗沙田打邊爐牛摩不嬲性價比都唔錯（P.S.: 店員推介有個消費卷加碼優惠，比$1000，有總值$3000優惠，如果你成日去，係真心抵買！）今次食 極品美國牛小排餐 （$348@）一人一鍋，叫左博多美人骨膠原啫喱雞白湯 同麻辣鴨血湯 （各加$10）個雞白湯一黎就好ig-able，好得意，而湯底係好清既雞湯味，配合唔同食材可以帶起鮮味，好啱一啲唔鍾意濃味既人而麻辣鴨血湯，越食越有味，係咁加鴨血同蜂巢豆腐，索哂汁，好正架肉方面，唔好以為佢上第一碟係靚既，之後會比差既你，食到最後，叫既牛小排同和牛 雪花都十分之靚！👍🏻👍🏻除咗牛肉，海鮮都好出色有廣島蠔，同半殼扇貝，出面仼食火鍋好少有，而蠔係好大粒，唔會縮到變蠔豉架！扇貝好彈牙！而丸類十分之多選擇！除咗出面仼夾，仲有啲特色丸可以自己落單，有醬爆瀨尿牛丸，芝士牛肉貢丸等等，而且可能因為佢之前有搞台灣祭，有蘑菇芝心堡，墨汁台灣腸等等，真係好多特別野，而且都好好食而出面有自助調味吧，飲品吧，雪糕機，仲有菜，丸仼夾，加上有幾款甜品，壽司可以食，都真係好豐富