阿麥廚房 (已結業)

今日同好友行完街街就去加路連山個邊搵食，方便食完去攞車走，係丹麥行入去少少就見到阿麥廚房，見到外面有幅畫幾得意，就被吸引左入去。同朋友商量好之後，我地就叫左兩個餐，前菜就叫左凱撒沙律同大蝦占米多（加$58）。 大蝦占米多原來係原條燒蝦，都幾juicy 同新鮮。 湯我地就叫左南瓜蟹肉湯同黑松露菌忌廉湯，每個加$58，我就食黑松露忌廉湯，松露味濃湯又滑，朋友話佢碗南瓜湯好濃郁，味道配上蟹肉剛好。主菜我地揀左燒豬手同帶子黑松露野菌意大利飯，意大利飯充滿黑松露味，口感剛好不太硬或軟身，帶子煎香左兩面，裡面仲軟淋淋，外脆內軟。最後燒豬手一到，我同老友都好驚食唔哂，因為豬手同薯條都好大份，燒豬手唔太咸，豬皮香脆豬肉軟身，連薯條都好好食。餐飲佢都幾多有好幾個選擇，我叫左cappuccino ，到佢送黎先知原來3D 架 ，好得意呀!為食總結：燒豬手係好味抵食推介。