影片
更多
2021-02-27
1017 瀏覽
前排慶祝生日同男友揀左哩間價錢親民及比較casual既fine dining餐廳🎂 餐廳主打創新法式fusion料理，某啲dish會加入一啲日式、意式或者其他國家既元素，非常特別。以$440 三個course哩個價位黎講，食物質素唔錯，個人認為前菜比主菜更有驚喜。餐廳位於尖沙咀icc101樓，一路食lunch一路從高處眺望維港景色，成個用餐過程好享受🏙️☀️ *,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*🦪 Gillardeau N'2 Oyster ($49 per pce)新鮮清甜，入口順滑，雖然哩個品種既蠔一般黎講會比較濃味，但我地當日食到既兩隻味道屬於比較subtle同柔和，亦都冇好強烈既餘味，但係吸引之處係每一啖咬落去都覺得蠔味同海水味完美混和，哩種味道令食落去既感覺比其他蠔更舒服，再配搭紅酒醋一齊食，更加能夠釣出蠔既鮮味😌 另外上菜前侍應會附上芝士薄脆、麵包同煙熏牛油。麵包超級好食！😍 外面煙韌香脆，入面好軟熟而且唔乾，並帶有小麥既香氣🌾 舊牛油亦都非常值得一讚👍 香滑得黎，煙熏味亦好特別𝐌𝐢𝐱 & 𝐦𝐚𝐭𝐜𝐡 𝐥𝐮𝐧𝐜𝐡 (𝟑 𝐜𝐨𝐮𝐫𝐬𝐞𝐬
*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*
🦪 Gillardeau N'2 Oyster ($49 per pce)
新鮮清甜，入口順滑，雖然哩個品種既蠔一般黎講會比較濃味，但我地當日食到既兩隻味道屬於比較subtle同柔和，亦都冇好強烈既餘味，但係吸引之處係每一啖咬落去都覺得蠔味同海水味完美混和，哩種味道令食落去既感覺比其他蠔更舒服，再配搭紅酒醋一齊食，更加能夠釣出蠔既鮮味😌
另外上菜前侍應會附上芝士薄脆、麵包同煙熏牛油。麵包超級好食！😍 外面煙韌香脆，入面好軟熟而且唔乾，並帶有小麥既香氣🌾 舊牛油亦都非常值得一讚👍 香滑得黎，煙熏味亦好特別
𝐌𝐢𝐱 & 𝐦𝐚𝐭𝐜𝐡 𝐥𝐮𝐧𝐜𝐡 (𝟑 𝐜𝐨𝐮𝐫𝐬𝐞𝐬 $𝟒𝟒𝟎) 我同男朋友每個course分別嗌左唔同既款式，所以前車、主菜同甜品會各有兩款
« 𝓢𝓽𝓪𝓻𝓽𝓮𝓻𝓼 »
🐟 Corsican Sea Bass
海鱸生魚片，擺碟美觀。調味分別有檸檬片，刁草，麵包碎，細蔥，胡椒，同埋非常香既橄欖油，上菜時侍應亦會喺面前刨新鮮檸檬皮增加菜式既香氣🍋 魚生片味道細膩甘甜，整體味道亦平衡得幾好，雖然份量唔算多，但勝在口感軟滑，而且酸酸地幾fresh幾開胃
🥚Japanese Egg
拮碎面頭既薄脆之後，底下係一隻用紅酒汁煮既poached egg、法國鍋牛、炒過既蘑菇同埋菠菜。紅酒汁估計有用beef stock一齊煮，味道帶有少少肉香。鍋牛煮得岩岩好，完全冇煮得過熟而令到口感好韌。底下配料既口感偏向濕潤綿滑，同上面既薄脆同乾蘑菇形成強烈既對比，所以一啖食落去口感非常豐富💖 個人認為哩味starter比上面既生魚片喺味道同層次感上都更出色，亦係當日食既眾多款dish入面最好味既😋
« 𝓜𝓪𝓲𝓷𝓼 »
🐙 Japanese Cuttlefish
就咁睇係一道平平無奇既pasta dish，但其實廚師仿照左carbonara既特色而去reconstruct入面既元素，令佢成為一道法式同意式fusion既菜式。主要材料有打成泡沫既Parmesan cheese同埋傳統carbonara會用到既煙燻豬腩肉🧀🥓 而入面既“pasta”並非係傳統用麵粉搓成既麵條，而係一部分用上墨魚，而另一部分用芹菜做既😂 兩款“pasta”撈埋一齊睇落冇乜分別，但係咬落會覺得墨魚既部分軟得黎有少少煙韌，而芹菜既部分則非常爽滑，口感好有趣🧐 味道方面就比較淡，主要都係保留返芝士同豬腩肉作為成個dish最主要既味道來源。而為左襯托返海鮮哩個主題，上面仲加左啲三文魚籽，相比起另一款main，哩款既食材同味道有連貫性得多，但因為濃郁既芝士味同埋份量頗多既pasta，食到最後會覺得有少少膩
🐂 Veal Osso Buscco
綠色既醬汁係打成泡沫既青咖喱汁，食落唔辣，味道比較溫和淡雅。然後橙色既係蘿蔔蓉，入口酸甜，但酸味非常sharp，有少少破壞左味道上既平衡🙈 伴碟仲有豆腐粒同埋烤蘿蔔，雖然蘿蔔幾嫩，但係唔覺哩兩樣食材對於成個dish既味道配搭起左啲咩作用。牛肉既肉質結實，但又唔會乾同柴，入口易咬，味道比較係單純既肉味，冇特別調味或處理上有特別既驚喜，同青咖喱汁亦未有好驚艷既和應感覺，整體黎講一般
« 𝓓𝓮𝓼𝓼𝓮𝓻𝓽𝓼 »
🌰 Mont-Blanc
栗子味非常濃郁特出😋 旁邊係質感非常滑溜既栗子雪糕，面頭係楓葉形狀既杏仁薄脆🍁 有陣微微既焦香味，同栗子撻一齊食會有種食緊炒栗子既感覺，撻既表皮好薄好酥脆，撻中間有一層柚子果醬，但係味道上同栗子唔係太夾，我覺得就咁mont-blanc加雪糕同杏仁薄脆已經非常出色，柚子果醬有一種畫蛇添足既感覺😬
🍮 Soufflé
梳乎厘係earl grey味，旁邊仲有hazelnut sauce同雲呢拿雪糕作為襯托 ，梳乎厘茶味濃郁☕ 入面既質地係半生熟，屬於比較流質同creamy，個人prefer熟返少少，多返少少焗起黎既軟綿綿口感
張貼
