一哥點心 (已結業)

朋友帶我去試吓呢間細細間既點心店，雖然點心款式唔多，但各樣點心味道都唔錯，茶位$3一位，抵過去茶樓好多，茶味亦唔錯，可以話直頭好過稻H好多。係用心經營既小店，招呼唔差的，阿姐們都好有禮貌。排骨鳳爪蒸飯，用荷葉舖底，蒸出嚟飯粒分明，$33性價比好高，絕對好過地鐵站連鎖店蒸飯。千島醬蘿蔔糕 ： 將蘿蔔糕上粉炸好，加木魚片同千島醬，味道好夾，重點係蘿蔔糕本身夠蘿蔔夠juicy, 最怕食到只有粘米粉那種。鬼馬腸粉 ： 好多地方有得食，但唔係間間做得好，呢間唔係最好，但都唔差。菜苖餃 ： 呢個就有d失色蟲草花棉花雞 ： 有雞味棉花亦夠味鵪春蛋燒賣 ： 叫呢個主要係懷舊一下， 好少茶樓會做呢款點心， 主要係最鍾意食粒鵪魚蛋。紫薯流心煎堆 ： 紫薯味道唔係特別濃，但同蛋黃流心係夾既，熱食作為甜品係唔錯既選擇。