牛摩+ (沙田中心) (已結業)

屋企人酷愛食牛摩，有壽司食又有得打邊邊，性價比高💁🏻‍♀️今日去食發現做得推廣，好抵食，牛胸腹加海鮮放題先$199！仲連14品美食，包括牛胸腹，牛肩胛等，見到咁抵食緊係諗都唔諗就試呢個餐，有海鮮又有靚牛肉食！餐廳採用一人一鍋，夠哂乾淨衛生，先上一碟2大份量既牛胸腹！牛肉油脂分怖均衡，油花細緻！牛味濃厚，好好食👍🏻同時，牛肩胛牛味濃郁👍🏻2款味道都好好！另外點左羊卷肉，羊羶味唔算好厲害，容易入口👍🏻而且肉質彈牙，推介👍🏻另外當然要試下呢個餐既特色，牛摩飯加温泉蛋，拼埋牛胸腹一同享用，味道更佳！海鮮我哋點左蝦，帆立貝，青口，海鮮處理得好好👍🏻好乾淨，味道都鮮甜好食！貝殼類海鮮無沙，夠新鮮好食👍🏻整體黎講呢個推廣價錢好抵食！咁多野食先$199，海鮮同肉類都任點任食！外面都有蔬菜區，壽司區，同小食區，當然少不了牛摩既特色雪糕區，同醬油區，感覺上環境乾淨企理衛生，而且夾菜既夾都整潔，衛生有一定保證，而且服務員態度友善，細心介紹每個套餐既分別，而且收碟速度迅速，一定會再回頭呀👍🏻👍🏻