大豐日本料理

營業中

休息中

經常在大圍附近搵食，呢間大豐好近地鐵站，對於我兩公婆搭完地鐵超肚餓既狀態下，就近搵間又抵又好食既醫肚，非常方便。每次叫餐之前，老公一定先點左只需加十蚊就有一客兩件既炙燒三文魚壽司，當然每人一份總共叫兩份😆每次都唔會令人失望，平時既我唔係好喜歡太甜既燒汁，但佢呢個壽司雖然有燒汁，但完全唔會覺得好甜，而係好好食，即使在其他日本料理店都唔會食到既好味！另外我點左個加州手卷，以為佢會有牛油果（我摯愛）點知就係大件蛋捲😛對於小食既我都夠飽肚；我仲食左個鹽燒三文魚較，非常好食，係入口即溶，配搭蘿蔔溶同醬汁，味道豐富夠晒好味。老公就食吉烈豬排飯，豬排香脆大件，老公食得大快朵頤。😋