Glasshouse (國際金融中心) (已結業)

今日同一班朋友又去食生日飯，但係今次呢間餐廳就唔係我負責搵嘅，係我個朋友預先book嘅，喺OpenRice睇嘅時候，已經好期待去呢間餐廳，見佢嘅環境相好似好靚！所以都迫不及待想去試吓，係晚上差唔多8:30嘅時候 ，我哋終於等齊朋友可以入去啦，入到去就覺得呢間充滿寫意嘅玻璃屋好靚，因為朋友預先book左，所以我哋都坐近玻璃窗，可以好近欣賞到玻璃窗外嘅景色，成個感覺都好relax我哋一坐低就即刻嗌嘢食啦，因為真係好肚餓，我哋就好快嗌左沙律、薯條、小食拼盤和薄餅，仲嗌左意粉同埋一個馬拉盞炒飯，食物都好大份量，啱晒一班人一齊食，我哋仲嗌左嘢飲，呢杯士多啤梨乳酪真係好好飲入邊嘅員工都好有禮貌，仲同我既朋友講生日快樂