Lockeroom Dining (朗晴坊) (已結業)

今日係星期日，所以去咗旺角呢間食過幾次嘅西餐廳，慰勞下辛苦左成個星期嘅自己（因為印象中佢哋食物質素高，餐廳服務都唔錯）去到見到佢哋個餐牌同上次又有少少唔同，決定試吓新野，我叫咗個脆炸吉列美國大雞脾扒配意粉。呢個餐有埋蒜蓉包同埋南瓜湯，個南瓜湯入面啖啖南瓜，啱晒我。過咗冇耐佢個吉列炸雞扒都整好，送到上黎都有少少驚訝，因為塊雞扒非常大塊，誠意十足。雞扒外脆內嫩，煮得恰到好處。甜品叫咗個橘子白朱古力加淡芝士蛋糕，佢個橙味好出，食落唔會太甜。但係同我上次黎食既疏乎厘班戟比，就稍為遜色。今次黎食野，佢地職員一如既往服務好好，下次會再嚟