Kim's Spoon (南豐中心) (已結業)

8號風球有假放，緊係落街行下搵野食啦😁，係荃灣南豐中心見到間食韓國野既餐廳，唔洗等位就試下啦。睇完個餐牌，價錢相宜，叫左個雙併午餐（牛肉飯併泡菜豬肉粉絲，牛肉飯普普通通，牛肉比較韌，豬肉粉絲就幾好食。至尊豆腐辣湯，好多餸，有蝦蜆豬肉金菇香茹，呢個好味，個湯底唔會好咸，辣味都啱啱好。（我個人唔算好食得辣😝）仲點左個小食 芝士條，佢有幾個味選擇，我就叫左個薯仔煙肉味，呢個可以一試，幾好食，外面好脆，中間既芝士薯仔煙肉好香濃。飲品就叫左蘋果柚子梳打，無特別，最欣賞係加$12就有咁大大大杯，抵飲！呢間算性價比高，平均人頭都係$7x，下次要再嚟試其他食品。😋😋😋