茶理史 (已結業)

行街行到熱熱地，就想買杯肥肥飲品飲下，即刻諗起呢間茶理史，成日都幫襯無一次係令我失望。我最鍾意買呢杯芋香鮮乳地瓜小芋圓（微糖及微冰），呢杯真係差唔多都次次必嗌，性價比十分高。飲品內有芋頭粒同返蕃薯粒，岩晒我呢啲無澱粉不歡既人，又有啲野咬下咁，有野食又有野飲；另外仲有好多既小芋圓，小芋圓夠晒煙靭又有嚼口，十分好味。而且飲品係用新鮮牛奶沖泡而成，比起其他茶飲店用既奶精好唔同，飲落得而且確係有分別，同埋心入面都會覺得比較健康（減低左少少飲呢啲野飲既罪惡感haha）推薦大家飲！