町町丼丼 (威靈頓街) (已結業)

同朋友去中環行街搵嘢食，佢話喺第區食過🍱町町丼丼🍱幾抵食，一於去試吓！日式丼飯小食店內環境舒適整潔，上餐都幾快，員工仲好友善，相信係附近上班族👩🏻‍💼👨🏻‍💼用膳嘅好選擇。日式咖喱豬扒蛋蓋飯🍛豬扒好大塊又香脆，炒蛋嫩滑，而且估唔到咁多咖喱汁，唔會食食吓好乾。壽喜燒牛肉鍋配烏冬🍲好足料嘅牛肉鍋，有肉有菜好balance，壽喜燒湯底甜甜哋好好味😋。磯燒魷魚天婦羅配黑椒蛋黃醬🦑係邪惡炸物🙊！炸皮唔厚而且啖啖魷魚肉～加埋蛋黃醬更加好味。日式炸餃子（5個）🥟係外脆內軟嘅日本餃子～🥹個人覺得餃子係日本嘢嘅代表🤣，食完成餐飯更加滿足。