影片
更多
2021-12-09
47 瀏覽
平時經過元朗呢間日式餐廳，見到都幾多人幫襯，於是今日就約同朋友一齊去試吓😋蟹籽沙律沙律包括有蟹籽、粟米粒同大量青瓜絲，加埋沙律醬，清爽開胃😉清酒煮蜆蜆肉鮮甜，湯嘅清酒味都幾濃🤤芒果天婦羅蝦飯卷一碟總共有六件，呢間餐廳出名相撲壽司，每一件都好大件，酸甜嘅芒果配埋香脆嘅天婦羅炸蝦，口感豐富，醋飯口感都幾香軟，但係酸度可以再調整~刺身方面，色澤可見剌身都好新鮮，而味道都鮮甜肥美，每一件都厚切好大件！😆我哋方別叫咗三文魚、三文魚近腩、吞拿魚油甘魚、大甜蝦、大八爪魚同鮮帶子~串燒方面，叫咗鹽燒牛舌、炭燒雞肉同炭燒雞軟骨，牛舌質感幾特別，店員話牛舌特登整得腍身少少，所以相對其他地方食到嘅牛舌會冇咁韌，加埋黑椒更加惹味，而燒汁亦值得一讚👍🏻餐廳有一個地方幾特別，枱面預先放咗紙杯，入邊已經有茶包，杯子中間有一個隔層網，倒水就可以飲到茶，呢個設計幾方便🤩飲品叫咗白桃乳酸，白桃味可以再濃啲，而朋友飲嘅百香果乳酸味道唔錯，百香果嘅味幾出👍🏻我哋估唔到餐廳仲有免費嘅飯後甜品，店員同我哋講每晚八點就會有糖水送，今晚係椰汁西米露，不過因為我同朋友都食得好飽，所以淨係叫咗一碗🙈總括而言，呢間日式餐廳幾抵食，性價比高
蟹籽沙律
沙律包括有蟹籽、粟米粒同大量青瓜絲，加埋沙律醬，清爽開胃😉
清酒煮蜆
蜆肉鮮甜，湯嘅清酒味都幾濃🤤
芒果天婦羅蝦飯卷
一碟總共有六件，呢間餐廳出名相撲壽司，每一件都好大件，酸甜嘅芒果配埋香脆嘅天婦羅炸蝦，口感豐富，醋飯口感都幾香軟，但係酸度可以再調整~
刺身方面，色澤可見剌身都好新鮮，而味道都鮮甜肥美，每一件都厚切好大件！😆
我哋方別叫咗三文魚、三文魚近腩、吞拿魚
油甘魚、大甜蝦、大八爪魚同鮮帶子~
串燒方面，叫咗鹽燒牛舌、炭燒雞肉同
炭燒雞軟骨，牛舌質感幾特別，店員話牛舌特登整得腍身少少，所以相對其他地方食到嘅牛舌會冇咁韌，加埋黑椒更加惹味，而燒汁亦值得一讚👍🏻
餐廳有一個地方幾特別，枱面預先放咗紙杯，入邊已經有茶包，杯子中間有一個隔層網，倒水就可以飲到茶，呢個設計幾方便🤩
飲品叫咗白桃乳酸，白桃味可以再濃啲，而朋友飲嘅百香果乳酸味道唔錯，百香果嘅味幾出👍🏻
我哋估唔到餐廳仲有免費嘅飯後甜品，店員同我哋講每晚八點就會有糖水送，今晚係椰汁西米露，不過因為我同朋友都食得好飽，所以淨係叫咗一碗🙈
總括而言，呢間日式餐廳幾抵食，性價比高，食物種類多，另外仲有定食、鍋物、拉麵、烏冬等其他選擇，平時鍾意食日式料理嘅朋友可以嚟試吓~
張貼
