ナカヨ食堂

營業中

休息中

食堂喺康怡 Aeon 嘅 Food Court，驟眼睇好似 Food Court 其中一員，位置裝修唔搶眼。如果唔係屋企人捉住話一定要去，應該已經路過咗唔會去排隊。雖然舖頭細細，但佢有單人 Bar 檯同四人檯，上菜都快，所以輪轉都快，唔算等咗好耐時間，睇完餐牌決定食咩已經有位。我哋叫咗個二人餐再加兩個定食。等咗一陣啲嘢食陸續上，最後擺到成張檯都係。原本見價錢都唔會有好大期望，但食落好有驚喜。太太話佢果個鹽燒油甘魚鮫嘅質素相當唔錯，拍得住出面餐廳食，但平好多。我食果個火炙三文魚都唔錯，油香好好，三文魚仲有冷熱嘅層次。唔怪得我爸媽不時買完餸會喺度食埋晏晝至走，睇嚟我哋都應該多啲嚟食下啦。