影片
更多
2023-10-18
18 瀏覽
2023年9月27日 星期三今晚放咗工之後就約咗老婆出銅鑼灣食飯，突然間好想食日本野，所以就去咗呢一間餐廳其實之前都已經食過一次，不過上次係食lunch，而且仲有好多食物想試，所以今次再嚟過，好彩黎嘅時候唔算太多人，仲有空枱可以即刻入座餐牌上面提供咗好多款唔同嘅食物，無論串燒、壽司定燒物，淨係睇圖片都覺得好吸引，價錢銅鑼灣嚟講都唔算太貴，而且我哋入咗嘅時間仲係happy hour，所以飲品有七折優惠老婆要左lava flow，上面仲加咗椰子忌廉同櫻花味糖漿，佢話飲落去每一啖都充滿椰子同櫻花香味，而且甜度啱啱好又夠晒冰凍呢杯就係我點既strawberry yogurt cocktail，冰沙裡面有新鮮士多啤梨肉同士多啤梨糖漿，所以未來會清新，再配埋yogurt同清酒，有少少酒味，不過唔係太濃郁，初嘗清酒嘅人士都可以嘗試食物方面有蟹味噌甲羅燒，附有細細舊嘅飯同紫菜，可以點甲羅燒一齊食，味道會冇咁鹹，而且真係食得到蟹膏既鮮味之後有珍寶海老天婦羅盛合，份量都幾多，最矚目嘅當然係珍寶海老天婦羅，因為成隻蝦都有成個手掌左右咁大，蝦肉好彈牙，而且炸漿唔算太厚，其他蔬菜炸完之後咬落去都仍然有水份，唔會
今晚放咗工之後就約咗老婆出銅鑼灣食飯，突然間好想食日本野，所以就去咗呢一間餐廳
其實之前都已經食過一次，不過上次係食lunch，而且仲有好多食物想試，所以今次再嚟過，好彩黎嘅時候唔算太多人，仲有空枱可以即刻入座
餐牌上面提供咗好多款唔同嘅食物，無論串燒、壽司定燒物，淨係睇圖片都覺得好吸引，價錢銅鑼灣嚟講都唔算太貴，而且我哋入咗嘅時間仲係happy hour，所以飲品有七折優惠
老婆要左lava flow，上面仲加咗椰子忌廉同櫻花味糖漿，佢話飲落去每一啖都充滿椰子同櫻花香味，而且甜度啱啱好又夠晒冰凍
呢杯就係我點既strawberry yogurt cocktail，冰沙裡面有新鮮士多啤梨肉同士多啤梨糖漿，所以未來會清新，再配埋yogurt同清酒，有少少酒味，不過唔係太濃郁，初嘗清酒嘅人士都可以嘗試
食物方面有蟹味噌甲羅燒，附有細細舊嘅飯同紫菜，可以點甲羅燒一齊食，味道會冇咁鹹，而且真係食得到蟹膏既鮮味
之後有珍寶海老天婦羅盛合，份量都幾多，最矚目嘅當然係珍寶海老天婦羅，因為成隻蝦都有成個手掌左右咁大，蝦肉好彈牙，而且炸漿唔算太厚，其他蔬菜炸完之後咬落去都仍然有水份，唔會炸到乾晒
跟住有火山熔岩鮭魚卷，所謂嘅火山熔岩其實係沙律醬同溶咗嘅芝士，味道配合得啱啱好，酸酸甜甜咁，食完都唔覺得好膩，而且鮭魚卷出面再有一層炸漿，所以口感好特別
接落黎有餐廳嘅名物，重量級火焰原隻雞腿，嚟到嘅時候真係嚇咗一跳，因為隻雞腿真係好大隻，而且店員送餐過嚟嘅時候仲會為雞腿點火，用嚟打卡一流，當火種熄滅之後，店員又會為雞腿剪開一嚿嚿，方便我哋進食，十分貼心，雞腿咁高溫燒完之後肉質竟然保持嫩滑，一啲都唔靭，咬落去仲有肉汁流出嚟添，份量足夠兩個人食
最後仲有雞肉稻庭烏冬作為結尾，餐牌寫住雞肉用日本產嘅雞，之後再慢煮，所以見到肉嘅顏色比較粉嫩，唔會煮到過熟，口感唔錯，至於稻庭烏冬嘅面質比較幼滑，咬落彈牙，食埋真係已經好飽！！
張貼
