影片
更多
2019-08-29
430 瀏覽
放左工等埋男朋友去左中環食飯，之前一直好想試下呢間饗和民，聽聞質素比和民高！一坐低店員就推介佢地主打嘅二人套餐！我地見佢性價比都幾高就叫左個饗·豪華二人套餐！一個set可以食齊7樣野🔥凱薩沙津 半份餐廳好貼心將沙津醬另外分開上，等你可以自己adjust沙津醬嘅分量！沙津菜好新鮮，餐廳加左煙肉落去，令成個沙津唔會得菜咁齋，另外有d紅黃椒輕輕炒過，撈埋一齊食好有層次感！🔥5品刺身盛合刺身款式有三文魚、油甘魚、赤蝦、元貝、三文魚子！刺身夠新鮮又夠肉厚，最特別係個三文魚子，下面係有一堆蘿蔔蓉，鹹鹹嘅三文魚子加埋淡味嘅蘿蔔蓉一齊食有種中和作用，好夾！🔥蒲燒鰻魚壽司卷蒲燒鰻魚一向係我嘅最愛，呢個壽司卷細細舊，鰻魚就大大塊，一啖一舊好滿足！🔥炙燒珍寶雞腿呢個雞腿好大隻，肉質嫰滑勁juicy，咬落d肉汁爆發，加埋少少檸檬汁更有清新感覺！🔥大海老天婦羅盛合海老天婦羅共有5隻，每隻都好大隻，炸醬薄薄一層，蝦肉同天婦羅炸醬嘅比例岩岩好，食落一d梘水味都冇！🔥小和牛壽喜燒鍋和牛入口即溶，薄薄幾塊嘅和牛淥一淥就熟！壽喜燒湯底好甜，d蔬菜索哂壽起燒嘅甜湯！🔥免治雞肉棒見到呢度有免治雞肉棒食就叫左一串黎食下，免治雞
🔥凱薩沙津 半份
餐廳好貼心將沙津醬另外分開上，等你可以自己adjust沙津醬嘅分量！沙津菜好新鮮，餐廳加左煙肉落去，令成個沙津唔會得菜咁齋，另外有d紅黃椒輕輕炒過，撈埋一齊食好有層次感！
🔥5品刺身盛合
刺身款式有三文魚、油甘魚、赤蝦、元貝、三文魚子！刺身夠新鮮又夠肉厚，最特別係個三文魚子，下面係有一堆蘿蔔蓉，鹹鹹嘅三文魚子加埋淡味嘅蘿蔔蓉一齊食有種中和作用，好夾！
🔥蒲燒鰻魚壽司卷
蒲燒鰻魚一向係我嘅最愛，呢個壽司卷細細舊，鰻魚就大大塊，一啖一舊好滿足！
🔥炙燒珍寶雞腿
呢個雞腿好大隻，肉質嫰滑勁juicy，咬落d肉汁爆發，加埋少少檸檬汁更有清新感覺！
🔥大海老天婦羅盛合
海老天婦羅共有5隻，每隻都好大隻，炸醬薄薄一層，蝦肉同天婦羅炸醬嘅比例岩岩好，食落一d梘水味都冇！
🔥小和牛壽喜燒鍋
和牛入口即溶，薄薄幾塊嘅和牛淥一淥就熟！壽喜燒湯底好甜，d蔬菜索哂壽起燒嘅甜湯！
🔥免治雞肉棒
見到呢度有免治雞肉棒食就叫左一串黎食下，免治雞肉棒入面有少少雞軟骨，勁有咬口！
🔥雨滴餅
最後仲有兩份甜品，雨滴餅本身係冇味，全靠黃豆粉同埋黑糖漿，撈埋一齊食就夠甜！
🔥茉莉綠茶 + 清酒 大
茉莉綠茶係無糖的，食咁多嘢飲番杯綠茶清清地都幾消滯！另外大嘅清酒原價就要$58，而家加$24就有，真係抵啊！
另外，饗和民亦都有幾款嚴選嘅日本酒！每一款都有詳細介紹，睇番自己本身鍾意飲咩口味再揀！佢賣得唔算貴，其實同出面市價都差不多！下次再黎一定要試下佢！
張貼
