台北倆伴

營業中

休息中

圍方開咗咁耐都未嚟過，今日咁啱去沙田，就一於行過嚟睇吓啦。原來呢度都好多特別嘅餐廳，我哋就呢度嘅下午茶餐牌吸引咗入嚟，因為價錢真係好平。朋友叫咗呢個紅燒牛肉麵配滷肉飯，價錢竟然只係$56 ，加珍珠奶茶都只係$8 ，真係非常抵食。一上枱估唔到佢嘅份量咁大，而且賣相好靚，每一個都用個盤裝住，好似真係去咗台灣咁。試咗朋友嘅一啖紅燒牛肉麵，湯底好濃，而且牛肉都好重牛味，份量好多。而我就叫咗花雕雞麻辣拌麵，估唔到個麻辣拌麵都幾辣，越食越開胃。而花雕雞嘅酒味都好夠濃，而且呢個餐仲配埋紫菜貢丸湯同埋蛋餃，真係好抵食呀。另外我哋仲叫咗個蟹蓋小食，一上枱見到佢嘅賣相好靚，估唔到食落都好好味，入面有少少蟹肉撈埋雜菜，食落感覺好健康。呢間餐廳又平又抵食，而且座位仲好好坐，順帶一提呢度嘅侍應服務態度都好好，真係非常推薦大家嚟啊。